Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
18:20
Direktor işdən çıxarıldı
Süleymanov "Ferentsvaroş"un baş məşqçisi haqda: "Bunu "yastıq əməliyyatı" adlandırmaq olar"
Azərbaycanın tanınmış futbol mütəxəssislərindən olan Tahir Süleymanov "Qarabağ"ın "Ferentsvaroş"la matçından öncə fikirlərini bölüşüb.
Qaynarinfo xəbər verir ki, Süleymanov şəxsi "Facebook" səhifəsində "Ferentsvaroş"un baş məşqçisi Stanislav Çerçesovla bağlı xatirələrini və onun komandasına qarşı necə oynamaq lazım olduğu haqda düşüncələrini bölüşüb:
"Qarabağ" Azərbaycan futbolu adına çox vacib matç keçirəcək. Çempionlar Liqasının qrup yolunda Macarıstan "Ferentsvaroş"u qarşımıza çıxsa da, rəqibdən daha çox baş məşqçiləri Stanislav Çerçesov gündəmdədir...
Şimal qonşumuz olduğu üçün informasiya məkanı təsiri hiss olunmaqdadır. Rusiya-2018 dünya çempionatından sonra Çerçesov məşqçi kimi populyarlıq qazanıb. Yerində oturan deyil, zamanın nəbzini tutmağı bacarır...
Futbolçu-qapıçılığı dönəmində SSRİ çempionatında "Neftçi"yə qarşı oynayıb. Futbolumuzun incəliklərinə, fəlsəfəsinə yaxşı bələddir. Özü də bilir ki, "Qarabağ"a məğlubiyyəti Rusiyada Azərbaycanı istəməyən qüvvələr bağışlamayacaq. Düşmənlərimizin media resurslarına təsiri böyükdür.
Çerçesovla ilk tanışlığımız Avstriyada olub, "Neftçi"-"Beşiktaş" hazırlıq matçına baxmağa gəlmişdi. Ünsiyyətçil, özünü təqdim etməyi bacaran biridir. Bir-iki il
sonra, bu dəfə Türkiyədə görüşdük. "Terek"in ("Axmat") baş məşqçisi idi artıq...
Antalyada "Kadırov adına turnir"də "bürünc" uğrunda oyunda "Neftçi" qroznılalılarla qarşılaşdı. Çeçenistan rəhbərliyini təmsil edən vəzifəlilər də matça baxmağa gəlmişdilər. Çerçesov oyunu udacağından çox əmin idi. Qapısında 3 cavabsız top görüb məğlub oldu.
Stanislav Çerçesovu son illər Rusiyanın Fatih Terimi də adlandırmaq olar. Çox emosionaldı və bu ruhu komandaya, futbolçulara da ötürə bilir. Məşqçi kimi ən güclü tərəfi psixoloji möhkəm olması, məğlubbiyyəti qəbul etməməsi, oyun intizamı ilə yanaşı futbolçuları hirsləndirməyi bacarmasıdır...
Belə məşqçilərə qarşı matçda yumşaq yanaşılmamalıdır. Yerli mentaliteti bildiyi üçün oyunöncəsi mətbuat konfransında ehtiyatlı davranıb, hətta "yastıq əməliyyatı" da adlandırmaq olar. Bilir ki, azərbaycanlıları qızışdırmaq olmaz. Çerçesovun başçılıq etdiyi komandalarda aqressiv oyun, mübarizə, dinamika üstünlük təşkil edir.
"Qarabağ" - "Ferentsvaroş" qarşılaşması iki baş məşqçinin meydanda taktiki, psixoloji dueli olacaq. Təmkinli Qurban Qurbanov, emosional Stanislav Çerçesov... 10 il öncə rəhmətlik Böyükağa Hacıyevin oyundan sonra gülə-gülə dediyi kimi: "Что, Стас, думал победишь нас"? (elə bilirdin udacaqsan?).
"Qarabağ" artıq Avropada böyük təcrübəyə malikdir, futbolçular meydanda nə etdiyini bilirlər. Tribunalarda möhtəşəm azarkeş dəstəyi ilə yenidən Çerçesovun öz qapısında 3 top görməsi arzusu ilə... Bu dəfə "Ferentsvaroş"la birgə...
Uğurlar, "Qarabağ"!"
Səbuhi Həsənov
Oxşar xəbərlər
Bu gün Azərbaycan əlifbası və dili günüdür
Ölkə
01.08.2019
Millimiz özbəklərə də məğlub oldu
İdman
25.04.2024
AFFA "Neftçi"nin şikayətini təmin etmədi
İdman
26.04.2024
Üzgüçümüzdən növbəti medal
İdman
25.04.2024
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər