Lvovlu iş adamı və avtoritet Boqdan Kopıtkonun həyatına sui-qəsdin təşkilatçısı ömürlük azadlıqdan məhrum edilib, cinayətkarlar isə müvafiq olaraq 15 il müddətinə azadlıqdan məhrum ediliblər.

Qaynarinfo xəbər verir ki, bu barədə Milli Polisin Strateji Araşdırmalar Departamenti, Lvov vilayətinin prokurorluğu, hüquq-mühafizə orqanlarından bildirilib.

Təşkilatçı (Dmitri Qavrilyuk - red.) ömürlük həbs cəzasına məhkum edilib. Cinayəti törədənlər (Stanislav Monte və İvan Koltsov) - əmlakı müsadirə olunmaqla 15 il həbs cəzası alıb.

Hadisə 2016-cı il avqustun 29-da Staroye Selo kəndi yaxınlığındakı magistral yolda baş verib. Daha sonra avtomobilin partladılması və atəşə tutulması nəticəsində iş adamının mühafizəçilərindən üçü həlak olub, biri qaça bilib. İş adamının özü isə xəsarət almayıb.

Polisin müəyyən etdiyi kimi, Lvovlu iş adamının qətlini kriminal dairələrdə əlaqələri olan Lvov sakini planlaşdırıb. Bu cinayətin icrası iki nəfərə həvalə edilib. Uğurlu "iş" üçün iki milyondan çox qrivna vəd edilib.

Qətl ən xırda təfərrüatına qədər planlaşdırılıb. Sui-qəsdçilər iş adamının hərəkət etdiyi avtomobili partlatmalı, lazım gəldikdə isə odlu silahdan istifadə etməli idilər. Cinayət törədərkən, 2016-cı il avqustun 29-da səhər saatlarında Staroye Selo kəndi yaxınlığındakı magistral yolda təqsirləndirilən şəxslər səhv hesablama aparıb və yolun səthinə düzülmüş tank əleyhinə minaları vaxtından əvvəl partladılıb.

Nəticədə mühafizəçilərin avtomobili partlayıb. Səhvlərini başa düşən ortaqlar maşını atəşə tutaraq üç mühafizəçini öldürüb, dördüncüsü isə qaça bilib. Qatillərin hədəfi olan iş adamı Kopıtko arxada başqa avtomobillə getdiyinə görə sağ qalıb.

Daha sonra bitişik əraziyə baxış keçirən partlayıcı maddələrin mütəxəssisləri asfaltın altında qumbaraatan, əldəqayırma partlayıcı qurğu və daha bir ədəd aşkar ediblər. Keçirilən tədbirlərlə polisin əməliyyatçı və müstəntiqləri tərəfindən bu cinayətin iştirakçıları müəyyən edilib. 2016-cı ilin sentyabrında hüquq-mühafizə orqanlarının əməkdaşları ölkənin bir neçə regionunda eyni vaxtda həbslər həyata keçirib. Hücum edənlərdən silah arsenalı müsadirə edilib: pulemyotlar, qumbaralar, tapançalar, partlayıcı qurğular və s.

Qeyd olunur ki, ibtidai istintaq zamanı hüquq-mühafizə orqanlarının əməkdaşları 1000-ə yaxın prosessual tədbir həyata keçirib və şəxslərin lvovlu iş adamını öldürməyə cəhddə iştirakına dair sübutlar toplayıb və onlara şübhələr barədə məlumat veriblər. 2017-ci ildə ittiham aktları məhkəməyə göndərilib.

İndi Lvov şəhərinin Şevçenkovski Rayon Məhkəməsinin (birinci instansiya) kollegiyası bu iş üzrə hökm çıxarıb.

Hökm qanuni qüvvəyə minənədək təqsirləndirilən şəxslər həbsdə olacaqlar.

Nəzərinizə çatdıraq ki, Daxili İşlər Nazirliyinin o vaxtkı rəhbərliyi cinayətin motivini cinayətkar ünsürlərin təsir dairələri uğrunda mübarizəsi olduğunu bildirmişdi.

Alpər