Rusiya Kubada hələ 2001-ci ildə Vladimir Putin tərəfindən rəsmi olaraq bağlanmış casusluq mərkəzinin işini bərpa edib. İndi adaya Rusiya QRU-dan dinləmə üzrə ekspertlər köçürülür.

Qaynarinfo xəbər verir ki, bu barədə "The Insider" yazır.

Qeyd olunur ki, Rusiya ilə Kuba arasında ABŞ-a qarşı casusluq məsələsində əməkdaşlığın yeni mərhələsinə dair ilk xəbərlər 2014-cü ilin iyulunda ortaya çıxıb. Sonra Havana şəhərinin ətrafında yerləşən Lourdes Radio Elektron Mərkəzini (REC) bərpa etməyə başlayıblar.

REC 1967-ci ildə tikilib, əvvəlcə Sovet QRU, sonra isə KQB tərəfindən istifadə edilib. Mərkəzin texniki vasitələri Amerika rabitə peyklərindən alınan məlumatları, telefon danışıqlarını və NASA-nın Florida ştatındakı uçuş idarəetmə mərkəzindən gələn mesajları ələ keçirməyə imkan verirdi. Mərkəzdə REC-in hərbi və mülki heyətinin sayı üç min nəfərə çatırdı.

Casusluq mərkəzi 2001-ci ildə bağlanıb. O zaman Rusiyanın ABŞ-la münasibətləri nisbətən yaxşı idi və REC-in saxlanması xərcləri hələ neft profisiti dövrünə qədəm qoymamış Rusiya büdcəsi üçün ağır yük hesab olunurdu. Mərkəzin "dinləyici” kimi tanınan mütəxəssisləri Rusiyaya qaytarılıb, casusluq texnikası qismən məhv edilib, qismən də Rusiya Federasiyasına ixrac edilib. Binaların bir hissəsi Çin və Şimali Koreya kəşfiyyat xidmətlərinə icarəyə verilmişdi. İddiaya görə, orada zabitlərinə ispan dilini öyrədirdilər.

Lakin 2014-cü ildən Rusiya ilə Kuba arasında münasibətlərdə bir növ renessans başlayıb. Və bu fonda Rusiyanın Havanadakı səfirliyi kifayət qədər qeyri-adi "diplomatlar”ı işə götürməyə başlayıb.

Və əgər bu gün Rusiya səfirliklərinin damları altında olan adi casuslar heç kimi təəccübləndirmirsə, Kubadakı casusluq kontingenti kifayət qədər spesifikdir. Bu, araşdırmaçı jurnalistlərin diqqətini çəkib. Açıq mənbələrdən məlumat toplayaraq, Kubadakı "diplomatlar" arasında rabitə və radiotexniki kəşfiyyat sahəsində şübhəli bir çox mütəxəssisin olduğunu öyrənə biliblər.

Məsələn, Kubada Moskva Radiotexnika, Elektronika və Avtomatika İnstitutunun (MIREA) kibernetika fakültəsini bitirmiş Serhry Vasenkov adlı biri var. Bura instutda informasiya təhlükəsizliyi, sistem analizi və raket raketləri sahəsində mütəxəssislər hazırlanır. MIREA-nın bir çox məzunu xüsusi xidmət orqanlarında çalışır.

Havanadakı başqa bir kibernetoloq Vitali Kondratenkodur. Moskva Dövlət Universitetinin hesablama kibernetikası və riyaziyyat fakültəsini bitirib, ona 1992-ci ildə ona GВ 99839 saylı zabit şəhadətnaməsi verilib.

Və Kubada böyük maraq doğuran onlarla belə rus var. Amma adının açıqlanmasını istəməyən xüsusi təyinatlıların keçmiş hərbçisinin jurnalistlərə verdiyi məlumata görə, bu gün Kubada minlərlə mütəxəssisə ehtiyac yoxdur.

"İndi proqram təminatı avadanlığı və iş prinsipləri tamamilə fərqlidir və Kubada minlərlə "dinləyici" saxlamağa ehtiyac yoxdur ki, onlar hər tezliyə qulaq assınlar. 30 nəfər kifayətdir ki, onlar ABŞ-a nəzarət etsin, hətta Kanadaya da təsir edə bilərlər", deyə zabit qeyd edib.

Aydın