Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Almaniyada siyasi miqrantlara qarşı qətnamə - Neonasist çağırışlar artır
"Almaniya üçün alternativ" ("AfD") partiyasının Bavariya bölməsi Almaniyadan əcnəbilərin kütləvi şəkildə deportasiyasını və onların mənşə ölkələrinə qaytarılmasını dəstəkləyən qətnamə qəbul edib.
Qaynarinfo-nun verdiyi xəbərə görə, "reemiqrasiya" anlayışını rəsmi şəkildə istifadə edən bu sənəd partiyanın Bavariya bölməsinin sədr müavini Rayner Rotfus tərəfindən təqdim olunub.
Almaniyanın "Die Welt" nəşrinin yazdığına görə, bu addım AfD-nin radikal sağ qanadına daha geniş imkanlar yaradır.
Qətnamədə vurğulanır ki, gələcəkdə sığınacaq axtaranlar Almaniya ərazisinə buraxılmamalıdır. Sənəddə təklif olunur ki, müharibə və təqiblərdən müdafiə beynəlxalq hüquq çərçivəsində təmin edilsə də, artıq Avropa xaricindən gələn sığınacaq axtaranlar Almaniyada və ya Avropa ərazisində yerləşdirilməsin.
Bundan başqa, AfD-nin Bavariya bölməsi Almaniya və Avropa İttifaqını Avropa xaricində "müdafiə və inkişaf zonaları" yaratmağa çağırır.
"Die Welt" yazır ki, Bavariya bölməsində partiyanın daha mülayim mövqeyini dəstəkləyənlər və Türingiyadakı "AfD" bölməsinin radikal sağçı lideri Byörn Hökenin tərəfdarları arasında daxili mübarizə davam edir.
2023-cü ilin noyabrında "AfD" siyasətçiləri, neonasistlər və iş adamları Berlin yaxınlığında yerləşən bir villada gizli görüş keçiriblər. Bu görüşdə Almaniyadan milyonlarla insanın, o cümlədən sığınacaq axtaranların, yaşayış icazəsi olan əcnəbilərin və miqrasiya kökləri olan Almaniya vətəndaşlarının deportasiyası müzakirə edilib.
"Correctiv" araşdırma şəbəkəsinin məlumatına görə, həmin görüşdə Şimali Afrikada iki milyon nəfərə qədər deportasiya olunmuş "reemiqrantı" və qaçqın hüquqları tərəfdarlarını yerləşdirmək planından da bəhs olunub.
Aydın
Oxşar xəbərlər
Azərbaycan millisi İsveçrəyə məğlub oldu
İdman
24.11.2024
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər