Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
DDLA tərəfindən müddətsiz xüsusi hazırlıq şəhadətnamələrinin verilməsi üzrə sənəd qəbulu və hazır sənədlərin verilməsi “Bakı KOB evi”ndə təşkil olunacaq
Dövlət Dəniz və Liman Agentliyi (DDLA) tərəfindən təqdim edilən müddətsiz xüsusi hazırlıq şəhadətnamələri üzrə sənəd qəbulu və hazır şəhadətnamələrin təhvil verilməsi 19 avqust 2024-cü il tarixindən etibarən "Bakı KOB evi”ndə təşkil olunacaq. Məqsəd Agentlikdə həyata keçirilən islahatların davamı olaraq operativlik, şəffaflıq, peşəkarlıq səviyyəsinin artırılması, vətəndaşların vaxt itkisinin azalması, vətəndaş məmnunluğunun təmin edilməsidir.
Belə ki, Agentlik tərəfindən "Dənizçilərin hazırlanmasına, onlara diplom verilməsinə və növbə çəkməyə dair” Beynəlxalq Konvensiyanın, habelə müvafiq sahə üzrə milli qanunvericiliyin tələbləri nəzərə alınmaqla "Bakı KOB evi”ndə aşağıdakı xüsusi hazırlıq kursları üzrə müddətsiz xüsusi hazırlıq şəhadətnamələrinin verilməsi təmin ediləcək:
- "Neft və kimyəvi maddələr daşıyan tankerlərdə yük əməliyyatına dair ilkin hazırlıq və kvalifikasiya” (yalnız gəmilərin sıravi heyət üzvləri üçün);
- "Gəmidə ilk tibbi yardım”;
- "Gəmidə tibbi nəzarət”;
- "İzdihamın idarə olunması üzrə hazırlıq”;
- "Böhran zamanı idarəetmə və insan davranışı üzrə hazırlıq”;
- "Sərnişinlərin, yükün və gəmi gövdəsinin təhlükəsizliyi üzrə hazırlıq”;
- "Gəmi mühafizəsi üzrə ümumi hazırlıq və təlimat”;
- "Gəmi mühafizəsi üzrə müəyyən edilmiş vəzifələrə malik şəxslərin hazırlığı”;
- "Gəmi mühafizəsi üzrə məsul şəxs”.
Dənizçilərdən müddətsiz xüsusi hazırlıq şəhadətnamələrinin verilməsi üçün tələb olunan sənədlər aşağıdakılardır:
- Şəxsiyyəti təsdiq edən sənəd;
- Peşəsi haqqında nəzəri və ya işçi diplom;
- Dövlət Dəniz və Liman Agentliyi tərəfindən uyğunluq haqqında Şəhadətnamə verilmiş tibb müəssisələrindən sağlamlıq haqqında arayış (dənizçinin tibbi sertifikatı);
- Yenilənməsi üçün müraciət edilən xüsusi hazırlıq şəhadətnaməsi;
- Ümumvətəndaş pasportu (yalnız xarici sularda üzən dənizçilər üçün);
- Dövlət rüsumunun ödənildiyini təsdiq edən sənəd (qəbz);
- Üzmə haqqında arayış (müvafiq təyinatlı gəmidən son 5 ildə 12 aylıq və ya son 6 ayda 3 aylıq), gəmilərdə işlərə cəlb olunan qeyri-dənizçilər və ya sənaye işçiləri üçün iş yerindən müvafiq sahə üzrə arayış (12 aylıq).
Qeyd edilən tarixədək adıçəkilən müddətsiz xüsusi hazırlıq şəhadətnamələrinin verilməsi üzrə sənəd qəbulu və hazır sənədlərin verilməsi Agentliyin inzibati binasında həyata keçiriləcək.
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər