"25 iyul 2021-ci il tarixinə qədər nənəm uşaqlıqdan hər zaman yanımda olub. O rəhmətə gedəndən sonra sanki həyatımdan bir parça getdi. Hər zaman nənəmlə birlikdə qalmışam. Anam gəlib-gedirdi yanımıza. Nənəmlə yaşamışam. Ən çox nənəmi məktəbə gedən illərdə xatırlayıram. Dərslərimə kömək edirdi. Məni məktəbə nənəm aparıb, gətirirdi. Yanımda olurdu. Çox darıxıram nənəm üçün. Anam da bilirdi ki, nənəmi ondan daha çox istəyirdim. Çünki gözümü açandan nənəmi görmüşdüm".

Qaynarinfo bizim.media-ya istinadla xəbər verir ki, bu sözləri hazırda həbsdə olan prodüser Təranə Səmədovanın böyük qızı Adel "Günaydın, Azərbaycan!" səhər şousunda müsahibəsində deyib.

2 il əvvəl nənəsi İradə Səmədovanı itirən qızcığaz onunla bağlı xatirələrini dilə gətirib: "Mənim üçün nənəmi itirmək çox ağır oldu. Nənəm sağ olsaydı, o qoymazdı nə bizim (özü ilə bacısı Adeli nəzərdə tutur - red), nə də ki anamın başına belə hadisələr gəlsin. Nənəm anamın başında bir dilək idi. Nənəm rəhmətə gedəndən sonra anam özünü itirdi. Bir dəfə nənəm yuxuma girdi, dedi ki, görürsən mən sənə demişdim belə olacaq. Nənəm mənimlə dalaşandan sonra deyirdi ki, öləndən sonra qədrimi biləcəksən. Bir dəfə yuxuma gəlmişdi. O çox pis kədərlənmişdi. Söylədi ki, mən sənə demişdim axı ölsəm sən belə olacaqsan. O bilirdi ki, hər şeyin axırı elə məhz belə olacaq. Nənəm məni hamıdan qoruyurdu. Hər zaman məni gözünün üstündə saxlayırdı. Nənəmin mənə son sözü "özünə yaxşı bax" oldu. O elə bu sözlərdən sonra 5-10 dəqiqə keçdi və dünyasını dəyişdi. Bacım Adel nənəmi görməyib. Kaş o da nənə sevgisini görərdi..."

Təranənin qızı bacısı Adeldən də söz açıb. Suel bildirib ki, anaları yanlarında olsa da, bacısına ana əvəzi olub: "Adelə mən analıq etmişəm. Baxmayaraq ki, anamız Təranə yanımızda olub. Amma bacıma mən baxmışam. Ona görə də, o anamdan çox məni və mənim qoxumu tanıyır. Ad günümdə getdim bacımla görüşə (Hazırda Suelin bacısı Adel sığınacaqda qalır - red.). Adel artıq böyüyüb. O ilk addımlarını atır. Adel ilk dəfə məni görəndə tanımadı. Sonra isə tanıdıqda məni buraxmadı. Gedəndən sonra arxamca çox ağlayıb".

Ətraflı

Müsahibəsinin sonunda Suel anası Təranə Səmədovanı etdiyi səhvlərə görə, bağışlaya bilmədiyini dilə gətirib: Təbii ki, Təranə mənim anamdır. Onu atmaram. Amma onun etdiyi səhvlərə görə, onu bağışlamaq çox çətindir".

Xatırladaq ki, Suel "Səni axtarıram" ictimai-sosial verilişinə çıxaraq anası prodüser Təranə Səmədovadan imtina etdiyini və adiyyatı dövlət qurumlarından anasının əlindən qəyyumluğu alınmasını müğənni Rəqsanə İsmayılovaya verilməsini istəyib.

Qeyd edək ki, prodüser Təranə Səmədova Cinayət Məcəlləsinin 182-ci (hədə-qorxu ilə tələb etmə) maddəsi ilə ittiham olunaraq, həbs olunub. Təranə Səmədova 2017-ci ildə də qadın alverində ittiham olunaraq 2 il müddətinə azadlıqdan məhrum edilmişdi.

2019-cu ildə azadlığa çıxan tanınmış prodüser ötən il də qanunsuz olaraq narkotik maddə gəzdirdiyi üçün saxlanılmışdı. Məhkəmə T. Səmədovanın hamilə olduğunu nəzərə alaraq, ona həbs cəzası verməmişdi. Prodüser 400 manat məbləğində cərimə olunaraq, sərbəst buraxılmışdı. Hazırda Suel müğənni Rəqsanə İsmayılovanın bacısı Adel isə Azərbaycan Uşaqlar Birliyinin nəzdində fəaliyyət göstərən müəssisədə qalır.