Şoyqu və Kərim Vəliyev nə barədə danışıb? - Politoloq

Sərhəddə baş verən son olaylardan sonra Moskva Şoyqu ilə Vəliyevin telefon danışığını təşkil etməklə hansı mesajı verir?

 

Qaynarinfo-ya açıqlama verən politoloq Qabil Hüseynlinin fikrincə, Şoyqunun bu zəngi Moskvanın son prosesləri dəqiq öyrənmək istəyindən qaynaqlanır:

"Bir sıra xarici ölkələr Azərbaycan-Ermənistan sərhədində baş verən toqquşmaların anotomiyasını hələ də düzgün qəbul etmir və ya etmək istəmir. Bu müstəvidə Şoyqu Azərbaycann Baş Qərargah rəisinə zəng vurmaqla ilk mənbədən məlumat almaq istəyir. Yəqin ki, Ermənistan tərəfindən artıq müəyyən məlumatlar əldə ediblər. İndi də Azərbaycan tərəfdən məlumat almaqla baş verən prosesin müqayisəsini aparmağı düşünürlər. 

Bölgəyə həmçinin KTMT-nin missiyası da gələcək. Düşünürəm ki, Vəliyev ermənilərin provokasiya etdiyini, təxribatçı qrupların irimiqyaslı döyüş əməliyyatlarına səbəb olduğunu sübuta yetirib. Doğrudur, ermənilər qabağa keçərək dünya ictimaiyyətini müəyyən qədər çaşdırmağa nail olub. Atəşkəsi ilk pozan erməni tərəf olub, onların təxribatçı qrupları Azərbaycan postunun arxasına keçərək əsgərlərimizə xəyanətkarcasına atəş açıblar. Bundan sonra da döyüşün miqyası genişlənib. Artıq atəşkəs rejiminə əməl edilir, sərhəddə sakitlikdir. Bundan sonra  əsas diqqət sülhyaratma prosesinə yönəlməlidir”.