"Neftçi”nin Müşahidə Şurasındakı dəyişikliklər komandaya necə təsir edəcək?

"Neftçi”nin keçmiş futbolçusu və baş məşqçisi Qaynarinfo-ya açıqlamasında Müşahidə Şurasındakı dəyişikliklərlə bağlı bunları söylədi:  

"Müşahidə Şurasındakı dəyişikliklərlə bağlı mən nə deyə bilərəm? Hesab edirəm ki, hər bir dəyişiklik tarixi kluba əzəmətini qaytarmağa, gələcəyə inamla baxmağa imkan verir. İnanmaq istəyirik ki, bu dəyişiklik tarixi klubumuza fayda verəcək. "Neftçi” mənim üçün həmişə "Neftçi”dir. Futbolçularımızdan biri deyib ki, "Neftçi” bizim bugünümüz, keçmişimiz və gələcəyimizdir. Hamımız "Neftçi”dən çıxmışıq. Klub öz əzəmətini qaytarmaqla hər birimizi daxili və beynəlxalq turnirlərdə sevindirsin. Dəyişikliklər də məhz buna hesablanıb. İnanıram ki, yeni rəhbərliklə "Neftçi” qarşıdakı məqsədinə çatacaq”. 

"Son vaxtlar Ayaz Quliyevlə AFFA tərəfindən rəsmi danışıqlar olmayıb.Yalnız bir neçə il bundan öncə danışıqlar aparılıb. Rəsmi şəkildə son vaxtlar onunla heç bir söhbət aparılmayıb”. 

"Ayaz Quliyev oyunçu kimi güclü klublarda çıxış edibsə, azərbaycanlı olaraq millimizin də formasını geyinə bilər. Ancaq iş ondadır ki, Ayaz olmur, kim olur-olsun, legioner həyatı yaşamaqla əsas heyətdə yerini təmin edə bilməz. O, rəqabətdə mütləq özünü sübut etməlidir. Azərbaycan yığmasına nə dərəcədə xeyir verəcək, gələcəkdə görəcəyik. İndidən nəsə danışmaq çox çətindir. O demək deyil ki, xaricdə oynayırsansa gəlib başımda oturmalısan. Elə deyil, güclüsənsə və Azərbaycan yığmasına xeyir verən futbolçusansa bizimlə birlikdə ola bilərsən. Belə deyilsə, komandamızda ancaq rəqabətdə güclü və ruhumuza uyğun olan futbolçular oynaya bilər”.