Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
18:20
Direktor işdən çıxarıldı
“Ermənistan tolerantlığı qonşu dövlətlərdən öyrənməlidir” - Yəhudi əsilli deputatdan sinaqoqa hücuma reaksiya
İrəvanda ermənilər Mordexay Navi sinaqoquna hücum ediblər. Sinaqoqun şüşələri sındırılıb, üzərinə boya atılıb. Hadisəni törədənlər bunu görüntüyə alıb. Həmin görüntülər sosial şəbəkələrdə yayılıb.
Erməni terror təşkilatı ASALA məsuliyyəti üzərinə götürüb. Bununla da olayın terro aktı olduğu təsdiqlənib.
Milli Məclisin deputatı Azərbaycan-İsrail parlamentlərarası əlaqələr üzrə işçi qrupunun rəhbəri, "Magen David Group"un fəxri sədri Anatoliy Rafailov baş verənlərə münasibət bildirib.
Deputat Qaynarinfo-ya açıqlamasında deyib ki, Ermənistan tarixində antisemitizm təzahürləri olub. Lakin bu antisemitizm aktı daha da qəbuledilməzdir və pislənir:
"Ermənistan demək olar ki, bütün dünya platformalarında bəyan edir ki, demokratik dövlət qurur, lakin antisemitizm, digər dinlərə və millətlərə qarşı dözümsüzlüyün istənilən forması demokratik və humanist dəyərlərlə bir araya sığmır. Ümid edirəm ki, Ermənistan hakimiyyəti bu hadisənin araşdırılması üçün operativ tədbirlər görəcək, günahkarları cəzalandıracaq və gələcəkdə belə hallara yol verməyəcək".
Deputat qeyd edib ki, Ermənistan cəmiyyətində hələlik görünməyən bu cür zorakılıq, dözümsüzlük cəmiyyət və hüquq-mühafizə orqanları tərəfindən qəti şəkildə pislənməlidir. Onun sözlərinə görə, İrəvan hakimiyyətinin Ermənistanda qalan kiçik yəhudi icmasına dəstək verməsi və Mordexay Navi sinaqoqunun bərpasına kömək etməsi vacibdir.
Anatoliy Rafailoviç həmçinin bildirib ki, bu kimi hadisələr antisemitizm və nifrətin digər formaları ilə mübarizənin vacibliyini xatırladır:
"Cəmiyyət bu cür dözümsüzlük təzahürlərinə yekdilliklə qarşı çıxmalı, fərqliliyə və tolerantlığa hörməti təbliğ etməlidir. Ermənistan tolerantlığı qonşu dövlətlərdən öyrənməlidir. Xüsusilə, Azərbaycanda bütün konfessiyalara mehriban münasibət var, təkcə məscidlər deyil, sinaqoqlar, kilsələr də sərbəst fəaliyyət göstərir. Bakının mərkəzində isə erməni kilsəsi var və ona heç kim hücum etmir. Azərbaycanda bütün dini obyektlərə hörmətlə yanaşılır”.
Seyid
Oxşar xəbərlər
Məktəb direktoru faciəvi şəkildə öldü
Ölkə
22.11.2024
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər