Britaniya qanunsuz miqrasiya ilə mübarizə üçün AİHM-dən çıxa bilər

 

Qaynarinfo xəbər verir ki, bu barədə Baş nazir Rişi Sunak "The Sun” qəzetinə müsahibəsində bildirib. 

"Hesab edirəm ki, sərhədlərimizin təhlükəsizliyini təmin etmək və qeyri-qanuni miqrasiyaya nəzarət etmək hansısaı xarici məhkəmənin üzvlüyünü saxlamaqdan daha vacibdir, çünki bu, suverenliyimiz üçün əsasdır", - Sunak bildirib. 

Nəşr qeyd edir ki, Rişi Sunak baş nazir olduğu bir il yarımdan az müddətdə ilk dəfə olaraq 1953-cü ildən qüvvədə olan Avropa İnsan Haqları Konvensiyasına (AİHM) xitam verilməsinin mümkünlüyü barədə bəyanat verib. Ondan əvvəl AİHM-dən çıxmaq ehtimalına 2019-2022-ci illərdə Böyük Britaniyanın baş naziri olmuş Boris Conson eyham vurub. Conson bildirib ki, Britaniyanın miqrasiya siyasətinin əsas məqsədi La-Manş boğazı vasitəsilə ölkəyə qeyri-qanuni yolla insanları keçirərək onların həyatlarını riskə atan cinayətkar dəstələrlə mübarizə aparmaqdır.

Qeyd edək ki, 14 iyun 2022-ci ildə Britaniya səlahiyyətliləri, Böyük Britaniyadan deportasiya edilən sığınacaq axtaranları qəbul etməyə razılaşan Ruandaya qeyri-qanuni immiqrantların ilk uçuşunu son anda ləğv etmək məcburiyyətində qalıb. Buna səbəb AİHM-in Britaniyanın bir neçə insan haqları təşkilatının müraciətindən sonra verdiyi sərəncam olub.

2024-cü ilin yanvarında Britaniya İcmalar Palatası Londona qeyri-qanuni mühacirləri Ruandaya göndərməyi icazə verən qanun layihəsini təsdiqləyib. Təşəbbüs ondan ibarətdir ki, məhz bu Afrika ölkəsində qeyri-qanuni immiqrantlar Böyük Britaniyada sığınacaq üçün müraciətlərə baxılmasının nəticəsini gözləyəcəklər. Layihəyə indi Lordlar Palatasında baxılmalıdır.