Planda deyilir ki, ailədən sonra kralın getməsindən xəbər tutan ilk şəxslər baş nazir və hökumət üzvləridir. Sonra BBC teleradio şirkəti baş verənləri efirdə açıqlayacaq, ardınca digər media xəbərləri yayacaq. Sonra yeni kral xalqa müraciət edəcək.

Böyük Britaniyada dəfn gününə qədər milli matəm elan olunacaq. Karlın öldüyü gün "D-Day", sonrakılar isə "D-Day+1", "D-Day+2" və s. adlandırılacaq. Planın adı Anqlesi adası ilə Uels arasında Menai boğazından keçən asma körpüyə aiddir. Kral taxta çıxmazdan əvvəl 64 il Uels şahzadəsi titulunu daşıyıb.

Aprel ayında "The Daily Beast” saytı kralın xəstəliyi səbəbindən plana yenidən baxıldığını bildirib. Nəşrin yüksək səviyyəli mənbəsi bunun standart təcrübə olduğunu qeyd edib. "Əlbəttə, onlar (Bukingem sarayı) planın hər detalını dəqiqləşdirilər. Kraliçanın dəfn mərasiminə işlər yağ kimi gedib və yüksək səviyyədə təşkil edimişdi", deyə mənbə bildirib.

"Daily Beast” iddia edir ki, Britaniya kral ailəsinin bəzi üzvləri şahzadə Uilyamın hakimiyyətə gəlməsindən qorxurlar. Mediaya görə, bu, III Çarlzın qardaşı şahzadə Endryu, eləcə də şahzadə ilə aralarında şəxsi hesablaşması olan kraliça Kamilla üçün ciddi narahatlıq yaradır. Bununla belə, kralın ölümünün ən pis təsiri onun kiçik oğlu Harridə ola bilər.

2020-ci ildə o, həyat yoldaşı Meqan Marklla ABŞ-a köçüb. Onlar burada qohumları haqqında bir neçə açıq müsahibə veriblər ki, bu barədə "Netflix" üçün ailə haqqında sənədli film çəkilib və "Ehtiyat” kitabını buraxıblar.

"The Mirror" yazır ki, "Menai körpüsü”nün təfərrüatları da daxil olmaqla, bütün vacib məlumatlar Harridən gizli saxlanılır. "Daily Beast”in mənbələri əmindirlər ki, kralın xəstəliyi şahzadələrin ən gənci üçün kartları qarışdırıb. Materialın müəlliflərinin sözlərinə görə, Harri atası ilə barışmağa və onun ailəyə qayıtmaq icazəsinə ümid edirdi. Karlın ölümü halında, şahzadə Uillyiamla bu barədə razılaşmaq çox çətin olacaq.

Keçmiş kral sarayı xadimi Qrant Harrolda istinadən "InTouch Weekly” bildirib ki, Sasseks hersoqu (Harri) Nyu-Yorka son səfəri zamanı atasına "gizli mesaj” göndərib. Jurnalın həmsöhbətinin sözlərinə görə, Harri ictimai çıxışlarında Britaniya kralının gündəmində olan iqlim dəyişikliyi mövzusunu fəal şəkildə qaldırıb. "Düşünürəm ki, o, atasına dəstək göstərmək istəyirdi. Ola bilsin ümid edir ki, karl bunu görüb, onu qəbul edəcək”, deyə Harrold izah edib.

Politoloq Andrey Kulikov Harrinin başqa maraqları güdə biləcəyini irəli sürüb. Onun fikrincə, rüsvay olmuş şahzadə ailəsi ilə, o cümlədən maddi rifahı qorumaq naminə barışmaq istəyir.

"Ola bilsin ki, o, kral ailəsindən titullarını, imtiyazlarını və maliyyə dəstəyini itirmək istəmir və kitabında kral ailəsinin həyatının bəzi gündəlik nüanslarını ortaya qoyaraq, ifşalarla çox uzağa getdiyinə inanır. O, tamamilə hər şeyi geri qaytarmağa çalışmır, amma hələlik yaranan çatı birtəhər düzəltməyə ümid edir. Belə daxili münasibətlərdə kənar müşahidəçiyə heç də həmişə hər şey aydın olmur", deyə ekspert vurğulayıb.

Aydın