Priqojin özünün məhv edilməsi halında vaqnerçilər üçün təlimatlar qoyubmuş

Qaynarinfo xəbər verir ki, VÇK-OGPU-nun mənbəsinə görə, bu təlimatın alqoritmlərinə əsasən, fəaliyyət göstərən bu liderlərin ölümünü təsdiqlədikdən sonra "Vaqner”in rəhbəri "Lotus" ləqəbli komandir olmalıdır. Bu, Priqojinin dəfn mərasimindən dərhal sonra elan edilə bilər və Lotus o zaman kölgədən çıxacaq.

VÇK-OGPU-nun mənbəsinə görə, "Vaqner” döyüşçülərinin əsas hissəsi Belarusiyanı tərk edərkən, komandirlərə ciddi əminliklə bildirilib ki, tətil 3 həftə davam edəcək, sonra qrupun çox hissəsi Afrikaya gedəcək. Xüsusilə, 5-ci və 10-cu SHO-ların ən döyüşə hazır bölmələrinin müvafiq olaraq Liviya və Maliyə enəcəyi məlumdur. Amma qəzaya görə, təbii ki, indi bu barədə söhbət getmir. Afrikada qeyri-müəyyənlikdir və qruplaşma öz taleyi ilə bağlı qorxusu içindədir. Çox güman ki, orada yerləşən bütün muzdlular Rusiya Federasiyasının Müdafiə Nazirliyinə qoşulacaqlar.

Unian qeyd edir ki, Rusiya Müdafiə Nazirliyi "Vaqner” rəhbəri Yevgeni Priqojinin ölümündə Vladimir Putindən daha çox maraqlı ola bilərdi. Müharibənin Öyrənilməsi İnstitutu (ISW) gündəlik hesabatında bildirib ki, avqustun 27-də Rusiya İstintaq Komitəsi Priqojinin Tver şəhəri yaxınlığında qəzaya uğrayan təyyarənin göyərtəsində öldüyünü genetik testlə təsdiqlədiyini açıqlayıb.

Rusiya Federasiyasında "Vaqner” özəl hərbi şirkətinin rəhbəri Yevgeni Priqojinin cənazəsi avqustun 27-də bazar günü vaqnerçilər tərəfindən götürülüb və o, dəfn mərasiminin keçiriləcəyi Sankt-Peterburqa aparılacaq.