İyulun sonunda Malidə "Vaqner"çilərin böyük dəstəsi məğlub oldu. Ukrayna Baş Kəşfiyyat İdarəsi bir çoxlarının GUR-un bu hadisədə iştirakının etirafı kimi qiymətləndirdiyi bəyanatla çıxış etdi. Yəqin ki, bununla da Ukrayna Afrikadakı öz maraqlarına böyük zərbə vurdu.

Qaynarinfo xəbər verir ki, bunu BBC yazıb.

Rusların Malidəki məğlubiyyətindən iki gün sonra GUR-un sözçüsü Andrey Yusov telemarafonun efirində bildirib ki, Malidəki tuareq üsyançıları təkcə muzdlulara qarşı uğurlu hərbi əməliyyata imkan verən məlumatı deyil, lazımi məlumatları da alıblar.

O deməyib ki, məlumatı üsyançılara Ukrayna verib, lakin Afrikada Yusovun bəyanatı belə qarşılanıb.

Daha sonra Qərb və Rusiya KİV-ləri Ukrayna xüsusi təyinatlılarının tuareqlərə hücum pilotsuz uçan aparatlarından istifadə üzrə təlim keçdiyini yazıblar.

BBC-nin qeyd etdiyi kimi, bu epizod bir çox afrikalılar tərəfindən Afrikanın xarici güclər arasında qanlı toqquşmalar mərhələsinə çevrilməsinin başqa bir hadisəsi kimi qəbul edilib. Və bir müddət Rusiyayönlü hərbi xuntaların hakimiyyətdə olduğu Mali və Niger hətta Ukrayna ilə diplomatik münasibətləri kəsdiklərini elan ediblər.

Lakin daha vacib olanı Qərbyönümlü hesab edilən Qərbi Afrika Dövlətləri İqtisadi Birliyinin (Ecowas) regional blokunun bəyanatı idi. Mali, Niger və Burkina Fasodakı hərbi rejimlərlə öz diplomatik problemlərinə baxmayaraq, Kiyev də tuareqləri dəstəklədiyinə görə orada birmənalı şəkildə "töhmət alıb".

Seneqal Xarici İşlər Nazirliyi Ukraynanın Dakardakı səfirini Yusovun şərhlərinin videosunu "Facebook"da yerləşdirməsindən sonra etiraz əlaməti olaraq çağırıb.

Avqustun əvvəlində Ukraynanın xarici işlər naziri Dmitri Kuleba qitə ilə əlaqə yaratmaq üçün kiçik Afrika turuna təzəcə başlamışdı və Malidə baş verən hadisələr, ən azı Yusovun onlarla bağlı şərhləri Ukraynanın diplomatik səylərinə ciddi ziyan vurub.

BBC yazır: "Bir çox Sahara hökumətləri, hətta özəl olaraq Moskvaya inamsız olanlar da Kiyevin yararsız xarici hərbi avantürizmi Ukraynanın dinc diplomatiyasının son iki il ərzində zəhmətlə yetişdirdiyi xoş niyyəti dağıta bilər".

Afrika qitəsi ölkələri Ukraynanın Malidə baş verən hadisələrdə əli olduğu iddiasını pisləyən rəsmi bəyanatlar verməyə başladıqdan sonra GUR-un sözçüsü Andrey Yusov geri çəkilib. O, tuareq üsyançılarına birbaşa yardımla bağlı hər hansı iddiada olduğunu inkar etməyə başlayıb.

Aydın