İsveçrədə yaşayan İrina Bolqar "Forbes" ilə əlaqə saxlayıb və bildirib ki, o, sahibkar və "Telegram"ın qurucusu Pavel Durovun üç kiçik övladının anasıdır.

Qaynarinfo xəbər verir ki, qadın milyarderlər sıralamasında Durovun uşaqlarının sayını ikidən beşə qədər düzəltməyi xahiş edib.

O, redaktorların xahişi ilə uşaqların doğum haqqında şəhadətnamələrinin surətlərini, Durovun atalığını tanıyan şəhadətnamələri, bu sənədlərin fransız və ingilis dillərinə notarial qaydada təsdiq edilmiş tərcümələrini, habelə oğlu Danielin anadan olması ilə bağlı ailə fotosunu göndərib. Foto 2020-ci ilin yanvarında Cenevrədəki evdə çəkilib. "Forbes" də öz növbəsində qadının əlaqə saxladığı Cenevrə tərcüməçisindən sənədlərin həqiqiliyinin təsdiqini alıb.

irina Bolqar Durovla 2012-ci ilin yayında tanış olduğunu, altı ay sonra birlikdə yaşaığını və 2013-cü ilin dekabrında ilk övladının - qızı Leyanın dünyaya gəldiyini deyib. 2016-cı ilin yanvarında böyük oğlu Daniel Sankt-Peterburqda, 2017-ci ilin sentyabrında isə David dünyaya gəlib.

2019-cu ildə İrina Bolqar uşaqları ilə birlikdə Latviyada, 2020-ci ildə isə İsveçrədə məskunlaşıb. Orada uşaqların doğum haqqında şəhadətnamələri və Durov tərəfindən atalığın müəyyən edilməsi fransız dilinə tərcümə edilib. "Forbes" bu sənədləri tərcümə edən AIT Tərcüməçilər Assosiasiyasının tərcüməçisi Aleksandra Vullier ilə əlaqə saxlayıb. O, sənədlərin həqiqiliyinin beynində heç bir şübhə yaratmadığına inandırıb.

İrina Bolqarın sözlərinə görə, son bir neçə ildə Durovla birlikdə yaşamyıblar, lakin onlar tez-tez bütün ailə ilə görüşür və səyahət edirlər. Eyni zamanda, o, sahibkarın sonuncu dəfə Rusiyaya nə vaxt uçduğu barədə suala cavab verməyib. Ancaq o, xatırlayır ki, Durov 2017-ci ildə, David doğulanda Sankt-Peterburqa uçub. Baxmayaraq ki, o, yeni doğulmuş uşağı qeydiyyata almaq üçün onunla qeydiyyat şöbəsinə getməyib. Bütün bürokratik məsələlər Durovun gəlişi zamanı verdiyi etibarnamə ilə həll edilib - notarius onların evinə gəlib. Amma Durov özü iddia edib ki, 2014-cü ildən bəri Rusiyaya getməyib.

Son vaxtlara qədər Durovun tələbə yoldaşı Daria Bondarenkodan yalnız iki övladı tanınırdı - 2009-cu ildə dünyaya gələn qızı Alina Durova və 2010cu ildə doğulan oğlu Mixail Durov.

İrina Bolqar qeyd edib ki, Bondarenko və onun uşaqları haqqında məlumatı var, lakin onlar heç vaxt görüşməyiblər.

Aydın